இளமையில் கல்: கற்க கசடறக் கற்பவை…45.
ஒளவையார் இயற்றிய நல்வழி.
”தேவர் குறளும் திருநான் மறைமுடிவும்
மூவர் தமிழும் முனிமொழியும் – கோவை
திருவாசகமும் திருமூலர் சொல்லும்
ஒருவாசகம் என்று உணர்.”
திருவள்ளுவர்
இயற்றிய திருக்குறளும் தமிழ் கூறும் நான் மறையாம் ( அறம், பொருள், இன்பம், வீடு எனும்
நான்காம்) திருஞான சம்பந்தர், திருநாவுக்கரசர்,
சுந்தரர் ஆகியோர் அருளிய தேவாரமும் ; மாணிக்கவாசகர் அருளிய திருக்கோவையாரும் திருவாசகமும்,
திருமூலர் அருளிய திருமந்திரமும் ஆகிய நூல்கள்
சான்றோர் ஆக்கியளித்தவையாகும் அவை யாவும் வழுவின்றி மானுட சமுதாயம் வாழ்ந்திட வாழ்வியல்
நெறிமுறைகளை வகுத்தளித்துள்ளன என்பதறிந்து அவற்றை முழுமையாகக் கற்றுணர்வாயாக.
நன்றி.
கருத்துகள் இல்லை:
கருத்துரையிடுக