குறுந்தொகை - அரிய செய்தி -
11
உணவு
ஆண் யானை யா
மரப் பட்டையை உரித்துப் பெண்யானைக்கு நீரூட்டும்
குறுந். 37,அகம். 335.
மயில்
ஈன்ற முட்டை
கான மஞ்ஞை அறை ஈன் முட்டை
வெயில் ஆடு முசுவின் குருளை உருட்டும்
- கபிலர், குறுந்.38 : 1, 2
காட்டில் உள்ள
மயில் பாறையில் ஈன்ற முட்டைகளைக்
கருங்குரங்கின் குட்டிகள் உருட்டி விளையாடும். பறவை வல்லுநர்வழி – ஆய்க.
குறுந்தொகை - அரிய செய்தி -
12
கோசர் வரலாறு
…. ............................. நன்னன்
நறுமா கொன்று ஞாட்பில் போக்கிய
ஒன்றுமொழிக் கோசர் போல
வண்கட் சூழ்ச்சியும் வேண்டுமால் சிறிதே
பரணர்,
குறுந். 73 : 2 – 5
குறுந்தொகை - அரிய செய்தி -
13
இளவேனில் ஆனேறு
வேனில் ஆனேறு போல
விட்ட குதிரையார், குறுந்.74
: 4
வேனிற்காலத்தில்
பசுவினால் விரும்பப்பட்ட காளைபோல வேனில் பருவத்திற்கும் காளைக்கும் உள்ள
தொடர்பு.விலங்கு நூல் அறிவியல் கொண்டு ஆய்க. மேலும் காண்க : குறிஞ்சிப்.136, 235.
குறுந்தொகை - அரிய செய்தி -
14
பதுக்கை
................................. வெஞ்சுரத்து
உலந்த வம்பலர் உவல் இடு பதுக்கை
மதுரை மருதன்
இளநாகனார், குறுந். 77 : 2, 3
கொடிய பாலை நிலத்து
அருவழியில் இறந்த வழிப்போக்கருடைய உடல்களை மறைத்துத் தழையால் மூடப்பட்டுள்ள
கற்குவியலானது உயர்ந்த நல்ல யானைக்கு அமைக்கப்பட்ட நிழலாகப் பயன்படும். பதுக்கை –
கற்குவியல் – இறந்தவர் உடல் – தழை இட்டு மூடல் - காட்டு வழியில் - ஆய்க.
மேலும் காண்க
: அகநா. 109,157, 215, 231
குறுந்தொகை - அரிய செய்தி -
15
தழை ஆடை
கூந்தல் ஆம்பல் முழுநெறி அடைச்சி
பெரும்புனல் வந்த இருந்துறை விரும்பி
யாம் அஃது அயர்கம் சேறும் ...
ஒளவையார், குறுந். 80 : 1 –
3
கூந்தலைப்
போன்ற நெறிப்பினையுடைய ஆம்பலின் முழுமையான செறிந்த இலைகளைத் தழையாடையாக உடுத்தி,
பெருவெள்ளம் வரப்பெற்ற பெரிய நீர்த்துறையை விரும்பி யாம் புனல்விளையாட்டை அயர்கச்
சென்றோம்.
இது மருத
நிலத்துத் தழை ஆடை - பரத்தை கூற்று –
குறிஞ்சி , குறமகள் அசோக மரத்தின் பெரிய தழை- குறுந். 214. அகநா.331,390. ஐங்.191- தழையாடை -
தழை ஆடை உடுத்தும் வழக்கம் - இம்மக்களின் வாழ்க்கை முறை – ஆய்க.
முதன்மை நோக்கு : மானிடவியல் ஆய்வு.
மேலும் காண்க
: புறநா. 248
கருத்துகள் இல்லை:
கருத்துரையிடுக