பரிபாடல் – அரிய செய்தி - 35
பச்சிலை
………………………….பாங்கர்
பசும்பிடி இளமுகிழ் நெகிழ்ந்த வாய்
ஆம்பல்
நப்பண்ணனார். பரிபா. 19 : 74 – 75
….. அச்சுனையின்கண்ணும் பக்கத்தினும்
பச்சிலையின் கொழுந்தும்… மகளிர் வாய்போல் மலர்ந்த அரக்காம்பலும்……
பசும்பிடி – பச்சிலை என்னும் பெயருடைய
ஒரு கொடி. குறிஞ்சிப்பாட்டில் வரும் “பசும்பிடி
வகுளம் பல்லிணர்க் காயா” – இதற்குப் “ பச்சிலை” எனப் பொருள் கூறினார் நச்சினார்க்கினியர்.
ஈண்டு மருக்கொழுந்துபோல இப்பசும்பிடி கொழுந்திலே சிறப்புடையது என்று கருதிப் போலும்
பசும்பிடி இளமுகிழ் என்பதற்குப் பச்சிலையது இளைய கொழுந்து எனப் பொருள் கூறினார் பரிமேலழகர்.
இலையிலேயே மணமுடையது என்பது கருதிப்போலும் இதற்கும் பச்சிலை என்பது பெயராயிற்று; எல்லாவற்றிலும்
பசுத்திருத்தலிற் பச்சிலை என்று பெயர் பெற்றது “ என்பார் நச்சினார்க்கினியர். இன்று
பச்சிலை என்பது மூலிகையின் பொதுப் பெயராம்.
( மாலை புனையும் தொழில் வகைகள் - நிணத்தல். தெற்றுதல். கோத்தல். கட்டுதல் என்பன.)
2
கருத்துகள் இல்லை:
கருத்துரையிடுக