திருக்குறள்
-சிறப்புரை
:1137
கடலன்ன
காமம் உழந்தும் மடலேறாப்
பெண்ணின்
பெருந்தக்கது
இல். --- ௧௧ ௩௭
அல்லும் பகலும் உறங்காது ஆரவாரிக்கும் கடலைப்போலக்
காமநோயினால் துன்புற்றாலும் நாணம் அழியுமே என்று அஞ்சி, பெண்கள் மடலேறுவதில்லை ; பெண்கள் ஆற்றியிருக்கும் பொறுமை என்னும் பெருமையால், பெண்மையைப்போல் சிறந்தது வேறு ஒன்றில்லை.
“எத்திணை மருங்கினும் மகடூஉ மடல்மேல்
பொற்புடை நெறிமை இன்மையான.” ---தொல்காப்பியம்.
கைக்கிளை முதற் பெருந்திணையிறுவாய் ஏழன்கண்ணும்
தலைவி மடலேறினாள் எனக் கூறும் புலனெறி வழக்கம் பொலிவுடைமையின்று, ஆதலான் அது கூறப்படாது என்றவாறு.
கருத்துகள் இல்லை:
கருத்துரையிடுக