திருக்குறள்
-சிறப்புரை
:1138
நிறையறியர்
மன்
அளியர்
என்னாது
காமம்
மறையிறந்து
மன்று
படும். ----- ௧௧ ௩௮
பெண்கள் காம விருப்பை அடக்கியாளும் நிறைகுணம் உடையவர்கள்; இரக்கம் உடையவர்கள். எனினும்
மனத்துள் மறைந்து உறைந்த காமவிருப்பு எல்லைகடந்து, பலர் அறிய
பொதுவில் வெளிப்பட்டுவிடுகின்றது.
“ முட்டுவேன் கொல் தாக்குவேன் கொல்
ஓரேன் யானும் ஓர் பெற்றி மேலிட்டு
ஆஅ ஒல்லெனக் கூவுவேன் கொல்
அலமரல் அசைவளி அலைப்ப என்
உயவு நோய் அறியாது துஞ்சும் ஊர்க்கே.” ---குறுந்தொகை.
சுழன்று அசைந்துவருகின்ற
தென்றல் காற்று மிகவும் வருத்த, என்னை வருத்தும் காமநோயை உணர்ந்து கொள்ளாமல், கவலையின்றித் தூங்கும்
ஊரில் உள்ளாரை, யான் முட்டுவேனோ…தாக்குவேனோ…ஆ என்றும் ஓல்லென்னும்
ஒலி உண்டாக,அரற்றுவேனோ…இன்னது செய்வது என்பதை
அறியேன், என்றாள் தலைவி.
கருத்துகள் இல்லை:
கருத்துரையிடுக