மலைபடுகடாம் – அரிய செய்தி : 22
சேயாறு
வனைகலந்
திகிரியின் குமிழி சுழலும்
துனை
செலல் தலைவாய் ஓ இறந்து வரிக்கும்
காணுநர்
வயாஅம் கட்குஇன் சேயாற்றின்
யாணர்
ஒருகரைக் கொண்டனிர் கழிமின்
பெருங்குன்றூர்ப் பெருங்கெளசிகனார், மலைபடு. 474 -
477
குயவனுடைய, வனையும் மட்கலத்தின் சக்கரம்
போல, மதகுகள் வழியாகக் குமிழ்த்துச் சுழன்று, விரைந்த செலவினையுடயதாகச் சேயாறு ஒழிவின்றி
ஓடிவரும், காண்பவர் விரும்பும் கண்ணுக்கினிய அச்சேயாற்றின் புதுவருவாயை உடைய ஒரு கரையை
வழியாகக் கொண்டு நீங்கள் செல்வீராக.
சேயாறு – இந்நாளில் செய்யாறு என வழங்கப்படுகிறது. ஆற்று நீர் வாய்த்தலை வழியாகக் குமிழ்த்து வரும்
தோற்றம் குறிக்கப்பட்டுள்ளது. காண்க – காவிரிப் புதுநீர்க் கடுவரல் வாய்த்தலை – ஓ இறந்து
ஒலிக்கும் ஒலியே…. ( சிலம்பு. 10: 108 கல்லணைக்
குறிப்பு.)
( துனை
– விரைவு ; தலை – வாய்த்தலை / மதகு ; வரிக்கும் – ஓடும் ; வயாஅம் – விரும்பும் ; யாணர்
– புதுவருவாய்.) 
கருத்துகள் இல்லை:
கருத்துரையிடுக