திருக்குறள் -சிறப்புரை :897
வகைமாண்ட வாழ்க்கையும் வான்பொருளும் என்னாம்
தகைமாண்ட தக்கார் செறின்.---- ௮௯௭
அறிவிற்சிறந்த நல்லொழுக்கமுடைய சான்றோர், தீயோரைச்
சினந்து நோக்கின் , எல்லாவகையானும் சிறப்புடைய
வாழ்க்கையும் அளவற்ற செல்வமும் அவர் பெற்றிருந்தாலும்
அவற்றால் யாதொரு பயனும் இல்லையாம்.
“ ஆக்கத்துள் தூங்கி அவத்தமே
வாழ்நாளைப்
போக்குவர் புல்லறிவினார்…”
---நாலடியார்.
அறிவற்றவர்கள் செல்வத்திலே மயங்கித் தம் வாழ்நாளை வீணே கழிப்பர்.
கருத்துகள் இல்லை:
கருத்துரையிடுக