திருக்குறள்
-சிறப்புரை
:1115
அனிச்சப்பூக் கால்களையாள் பெய்தாள் நுசுப்பிற்கு
நல்ல
படாஅ
பறை. --- ௧௧௧௫
மிகவும் மென்மையான அனிச்சப்பூக்களின் காம்புகளை
நீக்காமல், இவள் தலையில் சூடிக்கொள்வாளானால்,
அவளின் மெல்லிய இடை தாங்காது ; அதனால் நல்ல பறைகள் ஒலிக்கா…!
( சாப்பறைதான் ஒலிக்கும்,)
“இகல் வேந்தன் சேனை இறுத்த வாய்போல
அகல் அல்குல் தோள் கண் என மூவழிப் பெருகி
நுதல் அடி நுசப்பு என மூவழிச் சிறுகி
கவலையால் காமனும் படைவிடு வனப்பினோடு.” ---கலித்தொகை.
இகலிடத்தே வேந்தனின் சேனை, உயிரோடு போம்படி படை தொடுமாறு போல, அகன்ற அல்குல், தோள், கண் என மூன்றிடமும் பெருத்து ; நெற்றி, அடி, இடை, என மூன்றிடமும் சிறுத்து , மன்மதனும் தனக்குத் தொழில் இல்லை எனக் கவலையால்
தன் படைக்கலன்களைக் கைவிடுதற்குக் காரணமான அழகோடு வந்தனளே…!
சாப்பறை என்பதை உங்கள் மூலமாகத்தான் கேள்விப்படுகின்றேன் ஐயா.
பதிலளிநீக்கு