திருக்குறள்
-சிறப்புரை
:1216
நனவென
ஒன்றில்லை
யாயின்
கனவினான்
காதலர்
நீங்கலர்
மன். ---- க௨க௬
நனவு என ஒன்று இல்லாதிருக்குமானால், கனவில்வந்து மகிழ்விக்கும் காதலர் எம்மைவிட்டு
எப்போதும் நீங்காது இருப்பார்.
“சூருடைச் சிலம்பில் சுடர்ப்பூ வேய்ந்து
தாம் வேண்டு உருவின்
அணங்குமார் வருமே
நனவின் வாயே போல துஞ்சுநர்க்
கனவு ஆண்டு மருட்டலும் உண்டே…” ---அகநானூறு.
தெய்வங்கள் உறையும் பக்கமலையினை அடுத்த நம் தோட்டத்தில், அணங்கானது ஒளிபொருந்திய மலர்களைச் சூடிக்கொண்டு,
தான் விரும்பிய உருவத்தை எடுத்துக்கொண்டு வருவது உண்டு; அன்றியும் நனவில் தோன்றும் உண்மை நிகழ்வுகள் போன்று, கனவிலும் நிகழ்வுகள் உண்மையெனத் தோற்றி மயக்கவும் கூடும்.
கருத்துகள் இல்லை:
கருத்துரையிடுக