சான்றோர்
வாய் (மை) மொழி : 91 . பட்டறிவியச் சிந்தனைகள். – ஜான் லாக். John Loke – 1632 – 1704.
“எப்பொருள் யார்யார்வாய்க் கேட்பினும் அப்பொருள்
மெய்ப்பொருள் காண்ப தறிவு –குறள்:423.
“Nothing eas made by God for
man to spoil or destroy.”
சிந்தனை ஒரு வெற்று இயக்கம்,
சிந்தனையால் பொருளறிவைப் பெறமுடியாது, அனுபவமே மனிதனுக்கு அனைத்து அறிவையும் தருகிறது எனக் கூறும் தத்துவம் பட்டறிவியம் – பகுத்தறிவியத்திற்கு
எதிரானது.
ஒவ்வொரு மனிதனும்
தன் அனுபவத்தைத் தவிர வேறு எதையும் அறியவே இயலாது என்று உறுதியாகக் கூறி அறிவின் உறுதித்தன்மையையும்
பொதுமையையும் கேள்விக்குறியாக்கிவிட்டார் ஹியூம்.” என்று கருதினார்.
ஜான் லாக் : ஐரோப்பியர், பட்டறிவியத்தின் முதன்மைச் சிந்தனையாளர்.
“சோதிக்காமல் உண்மையை ஏற்பதைக்காட்டிலும் ; சோதித்தறிந்து பொய்யை ஏற்பது மேலானது.”
என்றார்.
இங்கிலாந்து உரிமைப் போரில் (1688 -
89) சிக்கி, நாட்டைவிட்டு வெளியேறி அயர்லாந்து சென்றார். அக்காலத்தில், “மனித அறிவாற்றல் பற்றிய ஆய்வு,” என்னும் நூல் தத்துவச்
சிறப்புடையது. இது நான்கு பகுதிகளைக் கொண்டது., அறிவின் இயல்பு, வகை, பயன், வரையறை
என அறிவைப்பற்றிய ஆய்வு அறிவு தருகிறது. இவரின் “அரசு பற்றிய இரு ஆய்வுகள்,”
என்னும் நூல் அரசின் தோற்றம்,பணி, பயன், நோக்கம் பற்றிக் கூறுகிறது.
மீண்டும் இங்கிலாந்து வந்தவர்,அரசுப்பணியில்
சேர்ந்து சமயப் பரப்புரையும் மேற்கொண்டார்.
அன்பே கிறித்துவத்தின் அடிப்படை என்றார். முப்பொருள் உண்மை, பிறவி, பாவம், புண்ணியம்
முதலிய பழைய கருத்துக்களை எதிர்த்தார் அதனால் தூற்றப்பட்டார்.
பகுத்தறிவியத்தின் பிறப்பிலுறை எண்ணங்கள், கொளகைகளை
முற்றிலுமாக மறுத்தார். பிறக்கும் போதே எல்லோர் மனத்திலும் எண்ணங்கள் ஒரே மாதிரியாக
இருப்பதில்லை, கடவுள் என்பது பிறப்பிலுறை எண்ணமன்று. பிறப்பிலுறை எண்ணங்களே அறிவாகும்
என்றால் அனுபவம், கல்வி பயனற்றதாக ஆகிவிடும்.
மனத்தில் பிறப்பிலுறை எண்ணங்கள் இருக்கின்றன
என்பதை மறுத்துப் புலன்கள் வழியாகவே மனத்தில் எண்ணங்கள் உருவாகின்றன,”அனுபவமே
அறிவின் ஊற்று” என்பது இவர் முடிப………………தொடரும்……….
