பதிற்றுப்பத்து
– அரிய செய்தி
உரையாசிரியர்
முனைவர் அ. ஆலிஸ்
இரண்டாம் பத்து – குமட்டூர்க் கண்ணனார்
பதிற்றுப்பத்து
– அரிய செய்தி - 1 -2
முருகனின் ஊர்தி – யானை
சூருடை முழுமுதல் தடிந்த பேர் இசை
கடுஞ்சின
விறல் வேள் களிறு ஊர்ந்தாங்கு
குமட்டூர்க் கண்ணனார்.
பதிற்.11: 5-6
சூரபதுமனாதன் தன்னையை உடைய மாமரத்தின் அடியினை வெட்டிய
பெரும் புகழையும் மிகுந்த சினத்தினையும் வெற்றியினையும் கொண்ட முருகப் பெருமான் தனக்குரிய
ஊர்தியாகிய யானையின் மீதேறி அதனைச் செலுத்தினது போல ….
பதிற்றுப்பத்து
– அரிய செய்தி - 2
வட இமயம் தென்
குமரி
ஆரியர் துவன்றிய பேரிசை இமயம்
தென் அம் குமரியொடு ஆயிடை
மன்மீக் கூறுநர் மறம் தபக் கடந்தே.
குமட்டூர்க் கண்ணனார்.
பதிற்.11: 23 - 25
அமைதி நிறைந்ததும் முனிவர்கள் நிறைந்து
விளங்கும் பெரும் புகழ் உடையதுமான இமய மலைக்கும்
– தென் திசையில் விளங்கும் அழகிய குமரிக்கும் இடைப்பட்ட நிலத்தே ஆளும் மன்னர்களுள்
– செருக்கால் தம்மை உயர்த்திக் கூறிக் கொள்பவர்களுடைய வீரம் அழியுமாறு அவர்களோடு எதிர்நின்று
பொருது வென்றாய். பண்டைய தமிழ்நாட்டின் எல்லை அறிக.
கருத்துகள் இல்லை:
கருத்துரையிடுக