ஐங்குறுநூறு –
அரிய செய்தி – 5 - 6
தந்ததும் கொண்டதும்
உற்றோர் மறவா நோய் தந்து
கண்டோர் தண்டா நலம் கொண்டனனே.
கபிலர். ஐங். 278 : 4 – 5
தோழி! நம் காதலன் தன்னொடு
நட்புற்றோர் என்றும் மறக்க முடியாத பெருந் துன்பத்தை நமக்குத் தந்து ; அதற்கு ஈடாக
ஒருகால் கண்டோர் மீண்டும் மீண்டும் காண விழையும் நம் பேரழகைத் தான் கொண்டேகினான் !
– ( காதலன் நமக்குத் தீமையைக் கொடுத்து விட்டு நம்மிடமிருந்த நன்மையை எடுத்துக் கொண்டான்
என்னே இவன் பண்பு என எள்ளும் வகையில் கூறினாள்.
ஒப்பு நோக்குக -
( மீனெறி தூண்டிலின் நிவக்கும் நாடன் . நற். 278 -- மீனெறி தூண்டிலின் நிவக்கும் நாடன் – குறுந்.
54. இவ்வழகிய உவமையால் பெயர் பெற்ற புலவர்
– மீனெறி தூண்டிலார்.)
பாலைத் திணை - ஓதலாந்தையார்
ஐங்குறுநூறு – அரிய செய்தி – 6
எழுத்துடை நடுகல்
விழுத் தொடை மறவர் வில்லிடத் தொலைந்தோர்
எழுத்துடை நடுகல்
……………….
ஓதலாந்தையார். ஐங். 352 : 1 – 2
விழுமிய
அம்பு தொடுத்தலை உடைய மறவர் தம் வில்லினின்று விடுத்த அம்பினால் உயிர் நீத்து வீழ்ந்த
கரந்தை வீரர் பொருட்டுப் பெயரும் பீடும் பொறித்து நட்ட நடுகல். ( அக்காலத்துத் தமிழ்
எழுத்துப் பற்றிய வரலாறு இதனாற் புலப்படும். மேலும் காண்க : அகம். 53 . 131 ; புறம்.264
) 
கருத்துகள் இல்லை:
கருத்துரையிடுக