திருக்குறள்
– சிறப்புரை : 377
வகுத்தான் வகுத்த
வகையல்லால் கோடி
தொகுத்தார்க்கும்
துய்த்தல் அரிது. –
377
இன்னார்க்கு இவ்வளவு என்று ஊழே வரையறுத்துள்ள நிலையில்,
கோடி கோடியாகச் செல்வத்தைக் குவித்தவர்களும்கூட ஊழ்வினை வகுத்த விதிகளுக்கு மேலாக இன்பத்தை துய்த்துவிட
முடியாது .
“ முழுதுடன்
முன்னே வகுத்தவன் என்று
தொழுது இருந்தக்
கண்ணே ஒழியுமோ அல்லல்.” – பழமொழி நானூறு.
உலகத்தை முழுமையாக முன்னே படைத்தவன், நாம் அடைகின்ற துன்பத்தையும்
படைத்தான் என்று எண்ணி அவனைத் தொழுது முயற்சியின்றி இருந்தால் துன்பம் நீங்குமோ..?
கருத்துகள் இல்லை:
கருத்துரையிடுக