திருக்குறள்
– சிறப்புரை : 383
தூங்காமை கல்வி
துணிவுடைமை இம்மூன்றும்
நீங்கா நிலனாள்
பவர்க்கு. – 383
காலத்தைக்
கண்ணெனப்போற்றல், தேர்ந்த கல்வியறிவு, மயங்காது
துணிந்து முடிவெடுத்தல் ஆகிய இம்மூன்று குணங்களும் நிலமாளும் அரசனுக்கு என்றும் நீங்காதிருத்தல் வேண்டும்.
அஃதாவது காலம்தாழ்த்தாது ஆராய்ந்து முடிவெடுக்கும் ஆற்றல் வாய்ந்தவனாக மன்னன் செயல்பட
வேண்டும் என்பதாம்.
“ கல்வி அகலமும்
கட்டுரை வாய்பாடும்
கொல்சின வேந்தன் அவை காட்டும்..” – பழமொழி நானூறு.
பகைவரைக்
கொன்றொழிக்கும் ஆற்றல் வாய்ந்த அரசனது கல்வியின் பெருமையையும் சொல்வன்மையையும் அவன்
வீற்றிருக்கும் அவையே காட்டும்.
கருத்துகள் இல்லை:
கருத்துரையிடுக