பத்துப்பாட்டு
– பொன்மொழிகள் - 8
குறிஞ்சிப் பாட்டு - கபிலர்
நல் கவின் தொலையவும் நறுந் தோள் நெகிழவும்
புள் பிறர் அறியவும் புலம்பு வந்து அலைப்பவும்
உள் கரந்து உறையும் உய்யா அரும்படர்
9 – 11
அன்னையே ! தலைவியின்
நல்ல அழகு கெடவும் தோள்கள் மெலியவும் வளையல் கழன்று வீழ்தலைப் பிறர் அறியவும்
தனிமை அவளைத் துன்புறுத்தவும் மனத்தினுள்
மறைந்து இருக்கின்ற பிழைத்தற்கரிய நோய்.- தோழி
சால்பும் வியப்பும் இயல்பும் குன்றின்
மாசு அறக் கழீஇ வயங்கு புகழ் நிறுத்தல்
ஆசு அறு காட்சி ஐயர்க்கும்
அந் நிலை
எளிய என்னார் தொல் மருங்கு அறிஞர்
15 – 18
அன்னையே ! சான்றாண்மையும் பெருமையும் ஒழுக்கமும் குறையும் என்றால் அவற்றைக் குற்றமற
நீக்கிப் புகழை நிலை நிறுத்துதல் என்பது
தெளிந்த அறிவுடைய பெரியோர்க்கும் எளிதில்லை என்று கூறுவர் சான்றோர். - தோழி
நேர் இறை முன்கை பற்றி நுமர் தர
நாடு அறி நல் மணம் அயர்கம் சில் நாள்
கலங்கல் ஓம்புமின் இலங்கு இழையீர் ... 231
– 233
அன்னையே
! தலைவியின் அழகிய
முன்கையைப் பற்றி நும்மவர் எமக்குத் தர, நாட்டிலுள்ளோர் அறியும்படி நன்மணம்
புரிவோம்; சிலநாள் மனக் கலக்கமின்றிப் பொறுத்திருப்பாய் என்று கூறினான் தலைவன். –
தோழி
முற்றும்
கருத்துகள் இல்லை:
கருத்துரையிடுக