சான்றோர் வாய் (மை)
மொழி :29.செல்லூர்க் கோசிகன்
கண்ணனார்.
மக்கட்பேறு.
”இம்மை உலகத்து இசையொடும் விளங்கி
மறுமை உலகமும் மறுவின்றி எய்துப
செருநரும் விழையும் செயிர்தீர் காட்சிச்
சிறுவர் பயந்த செம்மலோர் எனப்
பல்லோர் கூறிய பழமொழி எல்லாம்
வாயே யாக்குதல் வாய்த்தனம் தோழி…” – அகநானூறு,66 : 1 -6.
பகைவரும்
விரும்பும் குற்றமற்ற அழகினையுடைய மக்களைப் பெற்ற தலைமையுடையோர், இவ்வுலகத்துப் புகழொடும்
விளக்கமுற்று, மறுமை உலக வாழ்வினையும் குற்றமின்றி எய்துவர், என்று பல்லோர் கூறிய பழமொழியெல்லாம்
உண்மையாதலைக் கண்கூடாகக் காணப் பெற்றோம், என்று
மகிழ்ந்து கூறினாள் தலைவி.
(
இம்மை உலகம் – இவ்வுடம்புடன் வினைப்பயன் நுகரும்
உலகம் ; மறுமை உலகம் – உயிர் இவ்வுடம்பின் நீங்கிச்சென்று வினைப்பயன் நுகரும்
உலகம், மறுவின்று எய்துப என்பதனால் அது நல்லுலகம் என்பது பெற்றாம்.
கருத்துகள் இல்லை:
கருத்துரையிடுக