சான்றோர் வாய் (மை) மொழி : 126.. அறிவியல்
சிந்தனைகள். தொல்தமிழர் –சித்தர்கள்- திருமூலர்.
எப்பொருள் எத்தன்மைத் தாயினும் அப்பொருள்
மெய்ப்பொருள் காண்பது அறிவு.
குறள். 355.
ஓகக் கலை (யோகம்)
ஓகக்
கலை, தொல்தமிழர்தம் அறிவில் விளைந்த உடல் இயங்கியல் சார்ந்த ஓர் அறிவியல் கலையாகும். இக் கலை குறித்த செய்திகளை முன்னேரே
பதிவிட்டுள்ளேன். கூறியது கூறல் மிகை என்று கருதி, ஒரு குறிப்பை மட்டும் தருகின்றேன்.
கோவிந்த் ராவத் என்பர் எழுதிய ”யோகா நலவாழ்வு மந்திரம்’ “(Govind Rawat,
Yoga: The Healtha Mantra.” நூலின் பக்கம்
30. இநூல் நூலகங்களில் கிடைக்கும் எடுத்துப்
படித்துப் பாருங்கள்.
ஓகப் பயிற்சி
:
பன்னெடுங் காலமாகச் சித்தர்கள் போற்றி வளர்த்த ஓகநெறி வழி வழியாக நின்று, இன்று நிலைபேறு பெற்று உலகம்
முழுவதும் பரவலாக பயின்று வரப்படுகின்றது. என்கிறார், செ.கணேசலிங்கன்.
”
பண்டைத் தமிழர்கள் இயற்கையோடு இயைந்த வாழ்வை வற்புறுத்தினர். அறிவியல் யுகம் என்று
வருணிக்கப்படும் இந்தக் காலக் கட்டத்திலும்கூட இயற்கையை எதிர்த்து வாழ்தலோ வெல்லுதலோ
இயலாது என்பது அனைவரும் அறிந்த ஒன்றே. பெருங்காற்றையும் பேய்மழையையும் பனிப்புயலையும்
நிலநடுக்கத்தையும் கடல் கொந்தளிப்பையும் செஞ்சுடர்
தீக்கதிரையும் இடி, மின்னல் ஆகியவற்றின் ஆற்றல்களையும் அவை தாக்கும் காலத்தையும் அறியலாம்
ஆயின், தடுக்கும் மூலம் உளதோ..?
” இயற்கையால் சராசரி நூறு ஆண்டுகள்
வாழப் படைக்கப்பட்ட மானிட வாழ்க்கையின் பயணத்தைத் தவறான குறைபாடுள்ள வாழ்க்கை முறைகளினால் மனநலம்
, உடல்நலம் குன்றி வாழ்க்கைப் பயணத்தைக் குறைத்துக் கொள்கிறான்.
எல்லா வசதிகளையும் பெற்றுள்ள
மனிதன் தன் மனத்தால் அடையும் அமைதியை இழந்து இயற்கையுடன் மாறுபட்டு வாழ்வதனால் இயல்பான
மன அமைதியை இழந்து பலவகை உணர்ச்சிப் போராட்டங்களுக்கு ஆளாகிப் பல நோய்களுக்கு இடம்கொடுக்கின்றான். மிகுந்த ஆற்றல் வாய்ந்த மனிதனின்
‘மனம்’ மூளையின் ஒரு பண்புக்கூறாக உணரப்பட்டாலும் மூளை, இதயம் மற்றும் உடலின் அனைத்து
அக-புற உறுப்புகளையும் இயங்க வைப்பது மனம் தான்.” என்கிறார் இதய நோய் மருத்துவர் டாக்டர்
வி. சொக்கலிங்கம். (உலகத் தமிழ் செம்மொழி மாநாட்டு மலர்,
பக். 590.)
ஒகநிலை :
மனமே..!
கழிந்ததற்கு இரங்கிக் காலத்தை வீணாக்காதே. உடல் நலமும் உள்ளத் தெளிவும் இன்றே பெறுக.
வாழ்க்கைப் பயணம் இனிதே அமையும்.
”நெறிவழியே சென்று நேர்மை உள் ஒன்றித்
தறி
இருந்தால் போல் தம்மை இருத்திச்
சொறியினும்
தாக்கினும் துண்ணென்று உணராக்
குறி
அறிவாளர்க்குக் கூடலும் ஆமே” –திருமூலர்.
…………..திருமூலர் ….தொடரும் ……………..
கருத்துகள் இல்லை:
கருத்துரையிடுக