சான்றோர் வாய் (மை) மொழி : 129. அறிவியல் சிந்தனைகள். தொல்தமிழர் –சித்தர்கள்- திருவள்ளுவர்.

 

சான்றோர் வாய் (மை) மொழி : 129. அறிவியல்

சிந்தனைகள். தொல்தமிழர் –சித்தர்கள்- திருவள்ளுவர்.

எப்பொருள் எத்தன்மைத் தாயினும் அப்பொருள்

மெய்ப்பொருள் காண்பது அறிவு. குறள். 355.

மெய்ப்பொருள் அறிஞர் :

 “ மந்திரம் என்பது நினைப்பவனைக் காப்பது என்னும் பொருளது. நினைப்பவன் எவ்வளவு உறுதியாக எண்ணுகிறானோ  அவ்வளவுக்கவ்வளவு எளிதில் எண்ணிய எண்ணங்களை ஈடேற்றிக் கொள்ள அவனால் இயலும் என்ற உண்மையை அடிநிலையாகக்கொண்டது. இக்கொள்கையை வள்ளுவனாரும் வினைத்திட்பம் அதிகாரத்தில் ..

“ எண்ணிய எண்ணியாங்கு எய்துப எண்ணியார்

 திண்ணிய ராகப் பெறின் .

என்ற குறட்பாவால், நினைப்பவன் உறுதியாக ஒன்றை நினைத்தால் நினைத்ததை நினைத்த வண்ணம் நிறைவேற்றிக் கொள்ளலாம் என்கிறார். இத்தகைய உறுதியான எண்ணத்தையே வடநூலார் தியானம்  என்பர். வள்ளுவர் கூறிய ‘இறைவனடி சேராதார்’ என்ற பகுதிக்குப் பரிமேலழகர், சேர்தல் – இடைவிடாது நினைத்தல் எனக் குறிப்புத் தருவார். இது இடைவிடாத தியானத்தைக் குறிப்பது என்பதில் ஐயமில்லை.

தொல்காப்பியர் வழிவந்த திருவள்ளுவர் ”அறிவியல் முறையில் மெய்ப்பொருள்களை அணுகுமுறைக்கு  அடிகோலியது சாருவாகம், இக்கருத்தையே வள்ளுப் பெருமானும் இன்பத்துப்பாலில் ஏனையபாடல்களில் சிலவிடத்தும் குறித்தனராதல் வேண்டும். “

முப்பால் :

 மனத்துக்கண் மாசிலன் ஆதல் அனைத்தறன்

ஆகுல நீர பிற. – அறத்துப்பால்.

செய்க பொருளை செறுநர் செருக்கறுக்கும்

 எஃகதனின் கூரிய தில். – பொருட்பால்.

மலருனும் மெல்லிது காமம் சிலரதன்

செவ்வி தலைப்படு வார் . – காமத்துப்பால்.

அறம், பொருள், இன்பம், எனும் முப்பால் திருக்குறளின் சிறப்பினைப் புலப்படுத்தும்.

 

…சித்தர்கள்..… திருவள்ளுவர் ……. தொடரும்…………