திருக்குறள் -சிறப்புரை
:984
கொல்லா நலத்தது நோன்மை பிறர்தீமை
சொல்லா நலத்தது சால்பு. ----- ௯௮௪
தவத்தின் சிறப்பாவது பிற உயிர்களைக் கொல்லாதிருப்பது ‘ சான்றாண்மையின்
மேன்மையாவது பிறரிடத்துக் காணும் குற்றம் குறைகளைச் சொல்லாதிருப்பது.
“ கடுக்கி ஒருவன் கடுங்
குறளை பேசி
மயக்கி விடினும் மனப் பிரிப்பு
ஒன்று இன்றித்
துளக்கம் இல்லாதவர் தூய
மனத்தார்
விளக்கினுள் ஒண்சுடரே போன்று.”
---நாலடியார்.
ஒருவன் முகத்தைக் கடுக்கிக் கொடுஞ் சொற்களைப் பேசி மயங்கச் செய்தாலும்
சான்றோர், சிறிதும் மன வேறுபாடு கொள்ளாமல்
விளக்கினுள் தோன்றும் ஒளி மிகுந்த தீச் சுடரைப் போன்று தூய மனத்தராய் விளங்குவர்.
கருத்துகள் இல்லை:
கருத்துரையிடுக