தொல்தமிழர் வழிபாடுகளும் விழாக்களும் -30.
முனைவர் இரெ. குமரன்:
தொல்தமிழர் - வழிபாடு :நற்றிணை :
“ அழிவிலர் முயலும் ஆர்வ மாக்கள்
வழிபடு தெய்வம் கண் கண்டாஅங்கு
அலமரல் வருத்தம் தீர யாழ நின்
நலமென் பணைத் தோள் எய்தினம் ....”
பாலைபாடிய பெருங்கடுங்கோ. நற். 9, 1 – 4.
சிதைவில்லாத செயலை முயல்கின்ற ஆர்வமிக்கவர்கள் அச்செயல் நன்கு முடியத் தாம் வழிபடுகின்ற தெய்வத்தை கண்கூடாகக் கண்டாற்போல யாம் நெடுங்காலம் நின்னைப் பெற முயன்றதனால் ஏற்பட்ட மனக்கவலையும் வருத்தமும் தீரும்படி நின் அழகிய மென்மையான பருத்த தோள்களை அடைந்தோம்.
( ஆர்வமுடையவர் தம் வழிபடு தெய்வத்தைக் கண்டு தாம் விரும்பியதைப் போலத் தலைவன் தலைவியின் தோள்களை விரும்பிப் பெற்றான். (அலமரல் - மனக்கவலை ; யாழ - முன்னிலை .)
.......................................தொடரும்............................................
;
கருத்துகள் இல்லை:
கருத்துரையிடுக