தன்னேரிலாத தமிழ் –445: குறள் கூறும் ”பொருள்” பெறுக.

 

தன்னேரிலாத தமிழ் –445: குறள் கூறும் ”பொருள்” பெறுக.

513

அன்புஅறிவு தேற்றம் அவாஇன்மை இந்நான்கும்

நன்குடையான் கட்டே தெளிவு.

அன்பு, அறிவு, துணிவு, ஆசையின்மை ஆகிய இந்நான்கு தூய குணங்களையும் ஒருங்கே வாய்க்கப் பெற்றவனையே செயலாற்ற வல்லவனாகத் தெளிய வேண்டும்.

“ வெம்மை உடையது அடிசில் விழுப் பொருட்கண்

செம்மை உடையதாம் சேவகம் தம்மைப்

பிறர்கருதி வாழ்வதாம் வாழ்க்கை இம்மூன்றும்

உறவருவது ஓர்வதாம் ஓர்ப்பு. “  –அறநெறிச்சாரம், 205.

வெம்மையாக இருப்பதே உண்பதற்கு ஏற்ற உணவு ; குறைவற்ற வருவாயோடு நேர்மை தவறாமல் இருப்பதே பதவி ; தம்மைப் பிறர் எப்பொழுதும் நினைவில் கொள்ளும்படி ஈகைக் குணத்துடன் வாழ்வதே வாழ்க்கை ஆகிய இம்மூன்றையும் பெற வைப்பதே ஆராய்ந்து தெளிவதாகிய வினை முடிக்கும் துணிவாம்.