நற்றிணை
– அரிய செய்தி – 47-48
மணி மகுடம்
பொன்னும் மணியும் போலும் யாழநின்
நன்னர் மேனியும் நாறிருங் கதுப்பும்
…………………………………
காதல் தானும் கடலினும் பெரிதே.
……………….. நற். 166.
இப்பாடலை இயற்றிய புலவரின்
பெயர் தெரியவில்லை. சொற்சுவையும் பொருட் சுவையும் மலிந்து காதல் சிறப்புரைக்கும்பாடலாகத்
திகழ்கிறது.
“ இனி இச்செய்யுட்கு ஒப்பான சிறந்த செய்யுள் கிடைத்தல் அரிது:
தமிழ் இலக்கியத்தின் மணிமுடியாக இதனைக் கொள்ளலாம் “ என்கிறார் உரையாசிரியர் பொ. வே.
சோமசுந்தரனார்.
பத்து அடிகளைக் கொண்ட
இப்பாடல்- முதல் ஐந்து அடிகளில் தலைவனுக்குக் காணுந் தோறும் இன்பம் தரும் தலைவியின்
அழகு வருணிக்கப் படுகின்றது’; எஞ்சிய ஐந்து அடிகள் பொருளினும் காதலே சிறந்தது எனக்
கூறித் தலைவன் ”பிரியேன்” எனக் கூறுதலை விளக்குகின்றன.
நற்றிணை – அரிய செய்தி – 48
தோற்றோடிய ஆரியப் படை
ஆரியர் துவன்றிய பேரிசை
முள்ளூர்
பலருடன் கழித்த ஒள்வாள்
மலையனது
ஒரு வேற்கு ஓடியாங்கு ……….
…………………… நற். 170 : 6 – 8
முள்ளூர் மன்னன் மலையமான் திருமுடிக்காரி ஆரியப்படையைப் போர்க்
களத்தில் எதிர்த்து நின்றான்; மலையனது ஒப்பற்ற
வேற்படைக்கு அஞ்சி ஆரியப் படை தோற்றோடியது.
கருத்துகள் இல்லை:
கருத்துரையிடுக