பரிபாடல் – அரிய செய்தி – 9 - 10
நீர் மாசுபடல்
மாறு மென் மலரும் தாரும் கோதையும்
வேறும் தூரும் காயும் கிழங்கும்
பூரிய மாக்கள் உண்பது மண்டி
நார் அரி நறவம் உகுப்ப நலன் அழிந்து
வேறாகின்று இவ்விரி புனல் வரவு
நல்லந்துவனார். பரிபா. 6 : 46 – 50
மக்கள் சூடிக் கழித்த மலர்கள் மணம்
நிறம் மாறுபட்டு மெல்லிய சருகுகளாயின; அவற்றையு ஆடவர் – மகளிர் அணிந்த மாலைகளையும்
; ஆற்றின் கரையிலுள்ள மரம் செடி கொடிகளினுடைய வேர்கள் தூர்கள் காய்கள் கிழங்குகள் ஆகியவற்றையும்
கீழ்மக்கள் பன்னாடையில் வடித்த கள்ளினைச் சிந்தியதால் வையையின் நீர்
தூய்மை இழந்து மாறுபட்டு விட்டது. ( நீரின்றமையாது உலகு – வள்ளுவர் வாக்கையும்
எண்ணுக; நீர் வளமன்றோ நாட்டின் வளம்- (தமிழ்)
உணராதார் உலகாள வந்தாரே! ) 30
பரிபாடல் – அரிய செய்தி - 10
தமிழ் மதுரை
தமிழ் வையைத் தண்ணம் புனல்
நல்லந்துவனார். பரிபா. 6 : 60
தமிழை உடைய வையை ஆற்றில் வந்த குளிர்ந்த புதுப் புனல்
( தமிழ் கெழு கூடல் – புறநா. 58 ; தமிழ் நிலைபெற்ற தாங்கரு
மரபின் மதுரை – சிறுபாண்.) 
கருத்துகள் இல்லை:
கருத்துரையிடுக