தொல்தமிழர் அறிவியல் –137 : 46. தொல்காப்பியம் – புள்ளி
இவ்வரை
வட்டம் முழுவட்டமாகிச் சுழி என்றுபெயர் பெற்றிருக்கலாம்.
கணக்கியலில் இடம்பெறும்
சுழி (ஜீரோ) இந்தியர் அளித்தது
என்று வரலாறு
கூறுகிறது. பன்னெடுங்காலத்தில் இந்தியா முழுமையும்
தனதாகக் கொண்டிருந்த
தமிழர்களின் அரிய
கண்டுபிடிப்பல்லவோ இது.
முப்பாற் புள்ளி – ஃ
சார்பெழுத்துக்களுள் அடங்கும்
ஆய்தம் - குற்றியலிகரம், குற்றியலுகரம்
போல அரை
மாத்திரை பெற்று
நிற்கும். அக்கேனம், ஆய்தம், தனிநிலை, புள்ளி, ஒற்று என
, இவ்வெழுத்துக்கு ஐந்து
பெயர்கள் உள.
ஆய்த எழுத்தின் அருமையை
உணர்த்தும்பொருட்டு, திருவள்ளுவர்
வெஃகாமை (18) அதிகாரத்தில் பதின்மூன்று
இடங்களில் இவ்வெழுத்தை
எடுத்தாண்டுள்ளார்.
வடிவம்
குற்றியலிகரம் குற்றிய
லுகரம்
ஆய்தம் என்ற
முப்பாற் புள்ளியும்
எழுத்தோ ரன்ன.
(2)
“ குற்றியலிகரமும் குற்றியலுகரமும் ஆய்தம்
என்று சொல்லப்பட்ட
மூன்று கூற்றதாகிய
புள்ளியும் என
இவை மேற்சொல்லப்பட்ட முப்பது எழுத்தோடு ஒரு
தன்மைய எ-று.”
– இளம்பூரணர்.
ஆய்தம் என்ற ஓசைதான்
அடுப்புக்கூட்டுப்போல, மூன்று
புள்ளி வடிவிற்றென்பது உணர்த்தற்கு ஆய்தமென்ற முப்பாற்புள்ளியும் என்றார். – நச்சினார்க்கினியர்.
இவ்விரு உரையாசிரியர்களும் - ஃ - இதுவே வடிவம் என்கின்றனர்.
ஆய்தம் குற்றெழுத்துக்குப் பின்னும்
உயிர்மெய் வல்லெழுத்துக்கு முன்னும் இரண்டின் சார்பாக
ஆய்தவொலி தோன்றும்.
“ இரு சிறகெழுப்ப
எழும் உடலது
போல,” என்று உரையாசிரியர்கள் உவமை
கூறுவர். எஃகு, அஃறிணை, பஃது போன்றவை.
கணிதக் குறியீடு
தொல் தமிழ்
எழுத்துக்களில் (ஓசை
/ ஒலி)
ஒன்றாகிய ஆய்தம்
ஃ
– இதே வடிவில்
கணிதத்தில் ஒரு
குறியீடாக Therefore Sign (ஃ)
விளங்குகிறது. இச்சொல்
- ஆகையால், எனவே, இக்காரணத்தால் எனப் பொருள்தரும்
ஒரு குறியீடாகும்.
கணக்கில் படிநிலைகளையும் விடையையும் இணைக்கும் இடத்தில்
இக்குறியீடு செயல்படுகிறது.
ஆய்தக்குறி “ இரு
சிறகெழுப்ப எழும்
உடலது போலக்
“ கணித அறிவியல்
குறியீடாக உள்ளது.
ஆய்த எழுத்தின்
வடிவமும் பொருளும் ஒன்று போலவே கணிதக்
குறியீடானது விந்தையே.
மிகத்தொன்மைவாய்ந்த இக்குறியீடு(
ஆய்தம்) ஜான்ரன் என்பவரால் 1659 ஆம் ஆண்டு முதன்முதலாகப்
பயன்படுத்தப்பட்டுப் பின்
நிலைபெற்றது.
கருத்துகள் இல்லை:
கருத்துரையிடுக