தன்னேரிலாத தமிழ் –487: குறள் கூறும் ”பொருள்” பெறுக.

 

தன்னேரிலாத தமிழ் –487: குறள் கூறும் ”பொருள்” பெறுக.

 

651

துணைநலம் ஆக்கம் தரூஉம் வினைநலம்

வேண்டிய எல்லாம் தரும்.

 ஒரு செயலைச் செய்வதற்கு அமைந்த, துணைநலம் செல்வம் மட்டுமே தரும். ஆனால், செய்யும் செயலின்கண் கொண்ட வினைத் தூய்மை விரும்பிய எல்லாவற்றையும் தரும்.

“ செய்யும் ஒரு கருமம் தேர்ந்து புரிவது அன்றிச்

செய்யின் மனத்தாபம் சேருமே செய்ய ஒரு

நல்குடியைக் காத்த நகுலனை முன்கொன்ற மறைப்

பொற்கொடியைச் சேர்துயரம் போல். ---நீதிவெண்பா, 17.

 நன்மை தீமைகளை நன்கு ஆராய்ந்து தெளிந்த பின்னரே, எந்த ஒரு செயலையும் செய்ய வேண்டும். இல்லையென்றால் ஆராய்ந்து பார்க்காமல் தன் குழந்தையைப் பாதுகாத்த கீரிப்பிள்ளையைக் கொன்றுவிட்டுப் பின்னால் வருந்திய பார்ப்பனப் பெண்ணைப் போல் நினைந்து நினைந்து வருந்த வேண்டியிருக்கும்.