திருக்குறள் -சிறப்புரை
:1087
கடாஅக் களிற்றின்மேல் கட்படாம் மாதர்
படாஅ முலைமேல் துகில். ---- ௧0௮௭
இவ்வழகியின் சாயாத இளமுலையின் மேல் அணியப்பட்டுள்ள துகிலானது, கொல்லும்
மதம்பிடித்த யானையின் முகத்திலிட்ட ‘முகப்படாம்’
என்னும் முகவணியை ஒத்திருக்கின்றது.
“ முலை முகம் செய்தன முள்
எயிறு இலங்கின
தலைமுடி சான்ற தந்தழை உடையை
அலமரல் ஆயமொடு யாங்கணும்
படாஅல்.” –அகநானூறு.
அறிவினையுடைய இளைய மகளே…! நினக்கு
முலைகள் அரும்பின ; விழுந்தெழுந்த கூரிய பற்கள் ஒளி கொண்டன ; கூந்தல் முடித்தல் அமைந்தாய் ; குளிர்ச்சி பொருந்திய
தழை உடை கொண்டாய் ஆதலின், நின் தோழியரோடு சுற்றித்திரிய எங்கணும் போகாதே..!
கருத்துகள் இல்லை:
கருத்துரையிடுக