திருக்குறள்
-சிறப்புரை
:1162
கரத்தலும்
ஆற்றேன்இந்
நோயைநோய்
செய்தார்க்கு
உரைத்தலும்
நாணுத்
தரும். ----- ௧௧௬௨
தலைவன் பிரிவால் கொண்ட
இக் காமநோயைப் பிறர் அறியாதவாறு மறைக்க இயலாது தவிக்கிறேன் ; நோய் செய்த தலைவருக்கு
உரைக்கலாமென்றால் நாணம் தடுக்கிறது.
”கெளவை அஞ்சின் காமம் எய்க்கும்
எள்ளற விடினே உள்ளது நாணே
பெருங்களிறு வாங்க முரிந்து
நிலம்படாஅ
நாருடை ஒசியல் அற்றே
கண்டிசின் தோழி அவர் உண்ட
என் நலனே.” ----குறுந்தொகை.
பிறர் கூறும் பழிச் சொற்களுக்கு
அஞ்சுவதாயின், காமம் மெலிவடையும், பிறர் இகழ்ந்து கூறுதல்
அற்றுப் போகுமாறு காமத்தை விட்டுவிட்டால், எனக்குத் துணையாக என்னிடம் நாணம் மட்டுமே
எஞ்சிநிற்கும். தலைவன் நுகர்ந்த என் பெண்மை
நலன், பெரிய களிறு தான் உண்பதற்காக
வளைத்த , நிலத்தைத் தீண்டாத பட்டையை
உடைய, ஒடிந்த மரக்கொம்பு போன்றது. இதனைக் காண்பாயாக.
கருத்துகள் இல்லை:
கருத்துரையிடுக