திருக்குறள்
-சிறப்புரை
:1164
காமக்
கடல்மன்னும்
உண்டே
அதுநீந்தும்
ஏமப்
புணைமன்னும்
இல். ---- ௧௧௬௪
காமநோய்,
கடல்போல் பெருகி வருத்துகிறது ; ஆனால்,
அதனை நீந்திக்கரையேறப் பாதுகாப்பான தோணி கிடைக்கப்பெறவில்லை.
“ யாமத்தும் எல்லையும் எவ்வத் திரை
அலைப்ப
மாமேலேன் என்று மடல் புணையா நீந்துவேன்
தேமொழி மாதர் உறாஅது உறீஇய
காமக் கடல் அகப்பட்டு.” -------கலித்தொகை.
தேன் போலும் மொழியாள், தான் என்னைக் காமுறாதே, என்னைக் காமுறுத்தின காமமாகிய கடலில் அகப்பட்டு, உசாத்துணை இல்லாத நடுயாமத்தும்
உசாத்துணையுள்ள பகலிடத்தும் மன வருத்தமாகிய
அலைகள் வந்து துன்புறுத்தின ; இதனால் மாவின் மேலே இருக்கின்றேன் என்று மனத்தால் கருதி, அம் மடல் மாவை ஒரு தெப்பமாகக்
கொண்டு காமக்கடலை நீந்துவேன் ; அஃது என் நிலை என்றான்.
கருத்துகள் இல்லை:
கருத்துரையிடுக