தன்னேரிலாத தமிழ் –372 : குறள் கூறும் ”பொருள்” பெறுக.
110
எந்நன்றி கொன்றார்க்கும் உய்வுண்டாம் உய்வில்லை
செய்ந்நன்றி கொன்ற மகற்கு .
நன்மை செய்தாரை ஒருபோதும் மறத்தலாகாது ; ஒருவேளை மறப்பினும் அத்தீவினையிலிருந்து தப்பிக்க வழியுண்டாம் . ஆனால் தாயினும் சாலப் பரிவுகாட்டிப் பயன் கருதாது ஆற்றிய அரும்பெரும் உதவி செய்தாரை மறந்து அவருக்கே கேடு செய்தார்க்கு, வாழ்வில் உய்யும் வழியில்லை - அன்னாரை அறம் கூற்றமாகி அழிக்கும் என்க.
“ நிலம்புடை பெயர்வ தாயினும் ஒருவன்
செய்தி கொன்றோர்க்கு உய்தி இல்லென
அறம் பாடின்றே ஆயிழை கணவ .” ---- புறநானூறு, 34.
நிலம் தலகீழாகப் பெயர்வதாயினும் ( உலகம் அழியும் காலத்தே தீவினைகள் அழியும் ஆயினும் அக்காலத்தும் ) ஒருவன் செய்த நன்றியை மறந்தவர்க்கு அத்தீவினையிலிருந்து உய்வதற்கு வழியில்லை என்று அறநூல் கூறும்.
கருத்துகள் இல்லை:
கருத்துரையிடுக