தன்னேரிலாத தமிழ் –383 : குறள் கூறும் ”பொருள்” பெறுக.
ஊருணி நீர்நிறைந் தற்றே உலகுஅவாம்
பேரறி வாளன் திரு.
இன்னார், இனியார் என வேறுபாடு காணாது மக்களுக்கு அரும்பெரும் உதவிகளைச் செய்யும் பேரறிவு உடைய ஒப்புரவாளன் பெற்ற செல்வம்; ஆற்று நீர் அற்றுப்போகும் காலத்தில் ஊர் மக்களுக்கும் பிற உயிரினங்களுக்கும் உயிர்காக்கும் ஊற்றுநீர் போன்றது.
பிறருக்கு ஒன்று ஈயாச் செல்வர் சிற்றறிவினர்.
“நடு ஊருள் வேதிகை சுற்றுக் கோள் புக்க
படுபனை அன்னர் பலர் நச்ச வாழ்வார்.” ---நாலடியார், 96.
பலரும் விரும்பும்படி உதவி செய்து வாழ்கின்றவர்கள், ஊரின் நடுவே மேடை சூழ விளங்கும் பயன்தரும் பெண் பனை மரத்தைப் போன்றவர்கள்.
கருத்துகள் இல்லை:
கருத்துரையிடுக