தன்னேரிலாத தமிழ் –374: குறள் கூறும் ”பொருள்” பெறுக.
127
யாகாவா ராயினும் நாகாக்க காவாக்கால்
சோகாப்பர் சொல்லிழுக்குப் பட்டு.
ஐந்தடக்கலில் முதலிடம் பெறுவது - நாவடக்கம். ஒருவன் எதைக்காக்காவிட்டாலும் நாவைக் காக்கவேண்டும் ; அவ்வாறு காக்கத் தவறினால் சொற்குற்றம் ஏற்பட்டுத் துன்பப்பட நேரிடும். சொற்குற்றம் – துன்பம்தரும். நாவடக்கம் – உடலையும் உயிரையும் காக்கும்..
” நிலம் திறம் பெயரும் காலை ஆயினும்
கிளந்த சொல் நீ பொய்ப்பு அறியலையே.” – பதிற்றுப்பத்து, 63.
நிலவுலகம் தன் கூறுபாடு எல்லாம் நீங்கும் ஊழிக்காலம் என்றாலும் நீ (செல்வக் கடுங்கோ வாழியாதன்) சொன்ன சொல் பொய்த்தலை அறியாய்.
கருத்துகள் இல்லை:
கருத்துரையிடுக