தன்னேரிலாத
தமிழ் –415: குறள் கூறும் ”பொருள்” பெறுக
418
கேட்பினும் கேளாத்
தகையவே கேள்வியால்
தோட்கப் படாத செவி.
அறிவாற்றலை வளர்க்கும்
சான்றோர் உரைகளால் துளைக்கப்படாத செவிகள், நன்றாகக் கேட்கும்
திறன் உடையவையேயாயினும் அவை கேளாக் காதுகளேயாம்
.
நல்லுரைகளை விரும்பிக்
கேட்காத செவிகள்,
செவிகள் அல்லவே.
“ நல்லாரைக் காண்பதுவும்
நன்றே நலம் மிக்க
நல்லார் சொல் கேட்பதுவும்
நன்றே –
நல்லார்
குணங்கள் உரைப்பதுவும்
நன்றே அவரோடு
இணங்கி இருப்பதுவும்
நன்று,” -வாக்குண்டாம், 8.
நற்குணம் உடையவர்களைப்
பார்ப்பதும்; அவர்கள் கூறும் நல்ல சொற்களைக் கேட்பதும்; அவர்களுடைய நல்ல குணங்கள் பற்றிப்
பேசுவதும்; அவர்களோடு நட்புக் கொள்வதும் நன்று.
கருத்துகள் இல்லை:
கருத்துரையிடுக