தன்னேரிலாத தமிழ் –459: குறள் கூறும் ”பொருள்” பெறுக.

 

தன்னேரிலாத தமிழ் –459: குறள் கூறும் ”பொருள்” பெறுக.

 

562

கடிதோச்சி மெல்ல எறிக நெடிதாக்கம்

நீங்காமை வேண்டு பவர்.

தேடிய செல்வம் நெடுங்காலம் தம்மைவிட்டு நீங்காதிருக்க வேண்டுபவர்கள், குற்றவாளியைத் தண்டிக்கும்போது,  முதலில் அவன் அஞ்சுமாறு அச்சுறுத்திப் பின் மென்மையாகத் தண்டிக்க வேண்டும்.

“ சாம்தனையும் தீயனவே செய்திடினும் தாம் அவரை

 ஆம்தனையும் காப்பர் அறிவு உடையோர் – மாந்தர்

குறைக்கும் தனையும் குளிர் நிழலைத் தந்து

மறைக்குமாம் கண்டீர் மரம். – வாக்குண்டாம், 30.

 மனிதர்கள் மரங்களை வெட்டினாலும் அவை அவர்களுக்குக் குளிர்ச்சியான நிழலைக் கொடுத்து, வெயிலை மறைக்கும். அதுபோல நற்குணம் உடையவர்கள்,  தாம் சாகின்றவரை பிறர், தமக்குத் துன்பம் செய்தாலும் அவரையும் தம்மால் முடிந்த அளவு காத்துப் போற்றுவதையே விரும்புவர்.