தன்னேரிலாத தமிழ் –475: குறள் கூறும் ”பொருள்” பெறுக.

 

தன்னேரிலாத தமிழ் –475: குறள் கூறும் ”பொருள்” பெறுக.

 

619

தெய்வத்தான் ஆகாது எனினும் முயற்சிதன்

மெய்வருத்தக் கூலி தரும்.

ஒரு செயலைத் தெய்வத்தின் துணையோடு முயன்றும்  முடியாமல் போனால், அச்செயலைச் செய்து முடிப்பதற்கு மேற்கொண்ட  கடின உடல் உழைப்புக்கு உரிய பலன் கிடைக்கும்.

” முழுதுடன் முன்னே வகுத்தவன் என்று

தொழுது இருந்தக் கண்ணே ஒழியுமோ அல்லல்.” –பழமொழி, 29.

உலகத்தை முழுமையாக முன்னே படைத்தவன், நாம் அடைகின்ற துன்பத்தையும் படைத்தான் என்று எண்ணி அவனைத் தொழுது, முயற்சியின்றி இருந்தால் அல்லல் நீங்குமோ..?

‘ மானுட சக்திக்கு மேலொரு சக்தி இல்லை.’