திருக்குறள் – சிறப்புரை : 650

திருக்குறள் – சிறப்புரை : 650

இணரூழ்த்தும் நாறா மலரனையர் கற்றது

உணர விரித்துரை யார்.---- ௬௫0

நுண்ணிய நூல் பல கற்றும்,  தாம் கற்றதைப் பலரும் பயன் பெறுமாறு விரித்துரைக்கும் ஆற்றல் அற்றவர்கள், கொத்தாக மலர்ந்திருந்தும் மணம் கமழாத மலர்களை ஒத்தவர் ஆவர்.

“ சால்பும் வியப்பும் இயல்பும் குன்றின்

மாசுஅறக் கழீஇ வயங்கு புகழ் நிறுத்தல்

ஆசு அறு காட்சி ஐயர்க்கும் அந்நிலை

எளிய என்னார் தொல் மருங்கு அறிஞர்.” – குறிஞ்சிப்பாட்டு.

சான்றாண்மையும் பெருமையும் ஒழுக்கமும் குறையும் என்றால், அவற்றைக் குற்றமற நீக்கிப் புகழை நிலை நிறுத்துதல் என்பது தெளிந்த அறிவுடைய பெரியோர்க்கும் எளிதில்லை என்று கூறுவர் சான்றோர்.