தன்னேரிலாத தமிழ் -58

தன்னேரிலாத தமிழ் -58

“நட்டார் எனப்படுவார் நாடுங்கால் வையத்துப்

பட்டாம் பல பிறப்புத் துன்பம் என்று ஒட்டி

அறநெறி கைவிடாது ஆசாரம் காட்டிப்

பிறநெறி போர்க்கிற்பவர்.”---- அறநெறிச்சாரம்.

ஆராய்ந்து கூறுமிடத்து இப்புவியில் பல பிறப்புகள் எடுத்து அவற்றால் அளவற்ற துன்பம் அடைந்தோம் என்று தெளிவித்து, துணிந்து அறநெறியைக் கைவிடாமல் கொண்டு ஒழுகச் செய்து, ஒழுக்கத்தினை உணரும்படி செய்து, தீய நெறிகளிலிருந்து நீக்குபவர்களே நட்பினர் என்று கூறப்படுவதற்கு உரியவர் ஆவர்.