திருக்குறள் -சிறப்புரை :1065

திருக்குறள் -சிறப்புரை :1065

தெண்ணீர் அடுபுற்கை யாயினும் தாள்தந்தது

உண்ணலின் ஊங்கினியது இல்.----- ௧0௬௫

  தன் வீட்டு அடுமனையில் ஆக்கப்பட்ட தெளிந்த நீர் போலும்   கூழாயினும் தன்னுடைய உழைப்பினால் கிடைத்ததை உண்பதைவிட  இனிமையானது வேறு ஒன்றும் இல்லை.

“விருப்பு இல்லார் இல்லத்து வேறு இருந்து உண்ணும்

வெருக்குக்கண் வெம் கருனை வேம்பாம் – விருப்புடைத்

தன் போல்வார் இல்லுள் தயங்கு நீர் தண்புற்கை

என்போடு இயைந்த அமிழ்து,” ---நாலடியார்.

தன்மேல் அன்பில்லாதவர்களுடைய வீட்டில் வேறாயிருந்து பூனைக் கண்ணைப்போன்ற பொரிக்கறி உணவு வேம்பைப்போல் கசப்பாம் ; விருப்பமுள்ள தன்னோடு ஒத்தவருடைய வீட்டில் உண்ணப்படும் தெளிந்த நீரிலேயுள்ள புல்லரிசிக் கூழானது உடம்பிற்குப் பொருந்திய அமிழ்தமாகும்.