திருக்குறள்
-சிறப்புரை
:1140
யாங்கண்ணின் காண நகுப
அறிவில்லார்
யாம்பட்ட தாம்படா வாறு. ---- ௧௧௪ 0
காமநோயால் யான் படும் துன்பங்களைத் தாம் துய்க்காத
காரணத்தால் , அறிவற்றவர்கள் என் கண் முன்னே,
என்னைப்பார்த்துச் சிரிக்கின்றனர்.
“காமம் காமம் என்ப காமம்
அணங்கும் பிணியும் அன்றே நுணங்கிக்
கடுத்தலும் தணிதலும் இன்றே யானை
குளகு மென்று ஆண்மதம் போலப்
பாணியும் உடைத்தது காணுநர்ப் பெறினே.” ---குறுந்தொகை.
காமம் காமம் என்று உலகினர் குறைகூறுவர் ; காமமானது, புதியதாய்த்
தோற்றும் வருத்தமும் நோயுமன்று ; அது நுண்ணிதாகி மிகுதலும் குறைதலும்
இலது ; யானை தழை உணவை
மென்று தின்று அதனால் கொண்ட மதத்தைப்போலக்
காணற்குரியவரைக் கண்டு மகிழ்வாரைப் பெற்றால், காமம் வெளிப்படும் தன்மை உடையதன்றோ…!
கருத்துகள் இல்லை:
கருத்துரையிடுக