தன்னேரிலாத தமிழ் –280
உழுதுண்டு வாழ்வாரே வாழ்வார்மற்று எல்லாம்
தொழுதுண்டு பின்செல் பவர். -1033.
”உழுதுண்டு வாழ்வாரே வாழ்வார் மற்றெல்லாம்
தொழுதுண்டு பின்செல்பவர் என்றே – சொல்லும்
பழுதற்ற வள்ளுவன் பைந்தமிழ் நீதி
வழிசென்று மாண்பாலுயர்ந்த நாடு
நமது தாய் நாடு
நாட்டுக்குப் பொருத்தம் நாமே நடத்தும்
கூட்டுப் பண்ணை விவசாயம் – பட்ட
பாட்டுக்குத் தகுந்த ஆதாயம் உண்டு
பழைய கொள்கைகளை விடுவது ஞாயம் (நாட்டுக்கு)
காட்டையும் மேட்டையும் தோட்டங் கொடிகள்
கழனிகள் செய்வது திறமை –அதனால்
கட்டாயம் நீங்கும் வறுமை – ஒளவை
பாட்டியும் பாட்டால் பாடிய பெருமை
பாராட்டிய தொழில் முறைமை – இது
பரம்பரையாய் நமக்குரிமை – தமிழ் (நாட்டுக்கு)
ஒத்தைக் குடித்தனம் பத்துக் காணியில்
உழுது பாடுபட முடியாது – ஒரு
பத்துக் குடித்தனம் நூறு காணியில்
பாங்காய் உழுவதுதான் தோது.””
-கவிஞர் உடுமலை நாராயண கவி, படம்: எங்க வீட்டு மகாலட்சுமி, 1957.
கருத்துகள் இல்லை:
கருத்துரையிடுக