திருக்குறள் -சிறப்புரை
:1007
அற்றார்க்கொன்று ஆற்றாதான் செல்வம் மிகநலம்
பெற்றாள் தமியள்மூத் தற்று. ---- ௧00௭
இல்லாதார்க்கும் இயலாதார்க்கும் ஒன்றும் கொடுக்காது சேர்த்துவைத்த செல்வமானது,
எழில் நலம் வாய்ந்த இளநங்கை ஒருத்தி, கொள்வாரின்றித்
திருமணமாகாது தமியளாகி முதுமை அடைந்ததைப் போன்றது.
“யானை எருத்தம் பொலியக்
குடைநிழல்கீழ்ச்
சேனைத் தலைவராய்ச் சென்றோரும்
– ஏனை
வினை உலப்ப வேறாகி வீழ்வார்
தாம்கொண்ட
மனையாளை மாற்றார் கொள.”
---நாலடியார்.
யானையின் மீதமர்ந்து,வெண்கொற்றக்குடை நிழலிலே சேனைகளுக்குத் தலைவனாகச்
சென்ற அரசர்களும் முன்செய்த தீவினையால் தம் நிலையினின்று வேறுபட்டு எல்லாவற்றையும்
இழந்து, தம் மனைவியரையும் பகைவர்கள் கொண்டுபோக,
அரசர்கள் வீழ்வர்.
கருத்துகள் இல்லை:
கருத்துரையிடுக