குறுந்தொகை - அரிய செய்தி -
24
மடல் வடிவம்
விழுத்தலை பெண்ணை விளையல் மாமடல்
மணிஅணி பெருந்தார் மரபிற் பூட்டி
வெள் என்பு அணிந்து பிறர் எள்ளத் தோன்றி
மடல்பாடிய மாதங்கீரன், குறுந். 182
: 1- 3
பனையின்
உயர்ந்த முற்றிய பெரிய மடலால் செய்யப்பட்ட குதிரைக்கு, மணிகள் அணிந்த பெரிய மாலையை முறையாக அணிவித்து,
வெண்மையான எலும்பினை மாலையாக அணிந்துகொண்டு பிறர் இகழுமாறு அம்மடல் மா மேல் ஏறி
...
இவ்வழக்கம் உண்மையா / இலக்கியப் புனைவா ,எச்சங்கள் இன்று
உள்ளனவா ? குறிஞ்சி வாழ் மக்களின் வாழ்வியலை ஆய்க.
மேலும் காண்க
: குறள். 1132, 1133. கலித்.139, 141 ( எருக்கம் பூ மாலை சூடி ) குறுந்.17
குறுந்தொகை - அரிய செய்தி -
25
214 - காமன்
அரளிப்பூ
நேர்ந்து கொள்ளுதல்
விடர்முகை அடுக்கத்து விறல்கெழு சூலிக்குக்
கடனும் பூணாம் கைந்நூல் யாவாம்
புள்ளும் ஓராம் விரிச்சியும் நில்லாம்
கொற்றன், குறுந்.218: 1-3
தலைவன் வாரா
நிலையில் - கொற்றவைக்குப் பலிக்கடன்
நேர்ந்துகொள்ளுதல், காப்பு நாண் அணிதல், நிமித்தம் பார்த்தல், விரிச்சி கேட்டல்
ஆகியன செய்யோம்.
குறுந். 260-
தலைவிக்கு நன்னிமித்தங்கள் விசும்பில் குருகு உயரப் பறத்தல், புதரில் பூ மலர்தல்,
தோளில் வளை செறிதல்.தலைவனுக்கு இடைச்சுரத்துக் கன்று ஈன்ற பசு குறிக்கிடுவது தீ
நிமித்தம். காப்புக்கட்டுதல் இன்று கிராமக் கோயில் சடங்கு – இன்று காசு முடிந்து
போடுதல் உண்டு.இச்சடங்குகளின் வளர்ச்சி நிலையை ஆய்க.
குறுந்தொகை - அரிய செய்தி -
26
காலக்கணக்கர்
அஞ்சுவரு பொழுதினானும் என்கண்
துஞ்சா வாழி தோழி காவலர்
கணக்கு ஆய் வகையின் வருந்தி என்
நெஞ்சு புண் உற்ற விழுமத்தானே
காழார்க் கீரன் எயிற்றி, குறுந். 261 : 1 – 4
அச்சத்தைத் தரும் கூதிர்ப்பருவத்தும் என் நெஞ்சு வருந்திப் புண்பட்ட துன்பம்
காரணமாக ஊர் காப்பாளர் இரவில் துயிலாது நாழிகையை எண்ணிக்கொண்டிருப்பது போல என் கண்கள்
துயிலாவாயின.
பொழுது அளந்து அறியும் பொய்யா மாக்கள் (முல்லைப் 55) இருந்தனர்.
பகலில் நாழிகைக் கணக்கு - சூரிய ஒளி ; இரவில் நாழிகைக் கணக்கு - அறிந்த முறை – கருவிகள் – கணக்கிடும் முறை - கணிதம் கற்ற முறை – ஆய்க.
கருத்துகள் இல்லை:
கருத்துரையிடுக