திருக்குறள் -சிறப்புரை :872
வில்லே ருழவர் பகைகொளினும் கொள்ளற்க
சொல்லே ருழவர் பகை.--- ௮௭௨
(வில் ஏர் உழவர் ; சொல் ஏர் உழவர்)
ஒருவன், போர்க் களத்தில் வில்லை ஏராகக் கொண்டு வினையாற்றும் வீரர்களோடு
பகை கொண்டாலும் , சொல்லாகிய ஏரைக்கொண்டு புலமைக்களத்தில் வினையாற்றும் சான்றோர்களுடன்
பகை கொள்ளாதிருக்க வேண்டும்.
“நில நலத்தால் நந்திய நெல்லே
போல் தம்தம்
குல நலத்தால் ஆகுவர் சான்றோர்.
---நாலடியார்.
நிலத்தின் வளத்தினால் பெருகிய நெல்லைப்போலத் தம்முடைய இனத்தாரின் சிறப்பினால் ஒழுக்கமும் உயர்வும்
பெற்றுச் சான்றோராகத் திகழ்வர்.
அருமை ஐயா. தொடர்ந்து வாசிக்கிறேன்.
பதிலளிநீக்கு