தன்னேரிலாத தமிழ் –315.
நெடுநீர் மறவி மடிதுயில் நான்கும்
கெடுநீரார் காமக் கலன். –குறள்.605.
தூங்காதே தம்பி தூங்காதே – நீயும்
சோம்பேறி என்ற பெயர் வாங்காதே ! (தூங்காதே)
நீ தாங்கிய உடையும் ஆயுதமும் – பல
சரித்திரக் கதை சொல்லும் சிறைக்கதவும்
சக்தியிருந்தால் உன்னைக் கண்டு சிரிக்கும்
சத்திரந்தான் உனக்கு இடம் கொடுக்கும் (தூங்காதே)
நல்ல பொழுதையெல்லாம் தூங்கிக் கெடுத்தவர்கள்
நாட்டைக் கெடுத்ததுடன் தானுங்கெட்டார் – சிலர்
அல்லும் பகலும் தெருக்கல்லா யிருந்துவிட்டு
அதிர்ஷ்டமில்லை என்று அலட்டிக் கொண்டார்
விழித்துக் கொண்டோரெல்லாம் பிழைத்துக் கொண்டார் – உன்போல்
குறட்டை விட்டோரெல்லாம் கோட்டைவிட்டார் (தூங்காதே )
போர்ப் படைதனில் தூங்கியவன் வெற்றியிழந்தான் – உயர்
பள்ளியில் தூங்கியவன் கல்வியிழந்தான்
கடைதனில் தூங்கியவன் முதல் இழந்தான் – கொண்ட
கடமையில் தூங்கியவன் புகழ் இழந்தான் – இன்னும்
பொறுப்புள்ள மனிதரின் தூக்கத்தினால் – பல
பொன்னான வேலையெல்லாம் தூங்குதப்பா ! (தூங்காதே)
----கவிஞர் பட்டுக்கோட்டை
கல்யாணசுந்தரம், படம் : நாடோடி மன்னன், 1958.
அருமையான தத்துவப்பாடல்.
பதிலளிநீக்கு