இளமையில் கல்: கற்க கசடறக் கற்பவை…43.
ஒளவையார் இயற்றிய நல்வழி.
”வெட்டெனவை மெத்தெனவை வெல்லாவாம் வேழத்தில்
பட்டுருவுங் கோல் பஞ்சிற் பாயாது – நெட்டிருப்புப்
பாரைக்கு நெக்குவிடாப் பாறை பசுமரத்தின்
வேருக்கு நெக்கு விடும்.”
வலிமை
உடைய யானையின் உடலில் பாயும் அம்பு, மெல்லிய பஞ்சிப் பொதியுள் பாயாது ; பாரையால் பிளக்க முடியாத கருங்கல் பாறை வளரும் மரத்தின் வேருக்குப் பிளந்து விடும். அதுபோல்,
இனிய சொற்களைக் கடுஞ் சொற்கள் வெல்வதில்லை;
இனிய சொற்களே என்றும் வெல்லும்.
“ ஆய்ந்து அமைந்த கேள்வி அறிவுடையார் எஞ்ஞான்றும்
காய்ந்து அமைந்த சொல்லார் கறுத்து.”– சமண முனிவர்கள்; நாலடியார்,7.
:3
பல
நூல்களையும் ஆராய்ந்து, அறநூல்கள் கூறும் வழியிலே நின்று, உயர்ந்தோரிடம் பல உண்மைகளைக்
கேட்டறிந்து வாழ்கின்ற அறிவுடையார் எந்நாளும் சினந்து கடுஞ் சொற்களைக் கூறமாட்டார்கள்
கருத்துகள் இல்லை:
கருத்துரையிடுக