திருக்குறள்
-சிறப்புரை
:1254
நிறையுடையேன்
என்பேன்மன்
யானோஎன்
காமம்
மறையிறந்து
மன்று
படும். ------- க ௨ ௫ ௪
யான், பருவ விருப்பிற்கு இசையாத நிறைவுடையவள் என்று கருதியிருந்தேன்.
ஆனால் இன்றோ காமவிருப்பு என் ஆற்றலைக்கடந்து ஊர் மன்றத்தில் பலர் அறிய வெளிப்படுகின்றது.
“ அரிதே தோழி நாண் நிறுப்பாம் என்று உணர்தல்
பெரிதே காமம் என் உயிர் தவச் சிறிதே
பலவே யாமம் பையுளும் உடைய
சிலவெ நம்மொடு உசாவும் அன்றில்.” -----கலித்தொகை.
தோழி…!
நம்முடைய நாணத்தை விடாமல் நிறுத்திப் பேணுவோம் என்று உணர்வதே அரிதாக
இருக்கின்றது ; காரணம் காமவேட்கையோ பெரிதாக உள்ளது ; உடம்பில் உள்ள உயிரோ மிகமிகச் சிறிதாக
உள்ளது ; நமக்கு வருத்தத்தைத் தரும் யாமங்களும் பலவாயின.அத்தகைய யாமங்களில் துயிலாதபடி, துணையைப் பிரிந்து வருந்தி நம்மோடு உசாவும் அன்றில்களும்
சிலவே….!
கருத்துகள் இல்லை:
கருத்துரையிடுக