இனியவை நாற்பது – பொன்மொழிகள்
பூதஞ்சேந்தனார்
(நூற் குறிப்பு - 41 செவ்விலக்கிய நூல்கள் - கட்டுரையில் காண்க.)
பிச்சை புக்காயினும் கற்றல் மிக இனிதே
1:1
பிச்சை எடுத்து உண்டாயினும் கற்றல் மிகவும் இனிது.
ஊனைத் தின்று ஊனைப் பெருக்காமை முன் இனிதே
4:2
ஓர் உயிரின் தசையைத் தின்று தன்னுடைய உடம்பை வளர்க்காமை மிகவும் நன்று.
தந்தையே ஆயினும் தான் அடங்கான் ஆகு மேல்
கொண்டு அடையான் ஆதல் இனிது
7:
3, 4
தந்தையே ஆனாலும் அடக்கமில்லாதவனாயின் அவன் சொல்லைக் கேட்டு நடவாமல்
இருப்பது நன்று.
எள் துணையானும் இரவாது தான் ஈதல்
எத்துணையும் ஆற்ற இனிது
16:
3, 4
எள் அளவாயினும் யாசிக்காது தான் பிறர்க்கு ஈதல்
எல்லாவகையிலும் மிக இனிது.
எஞ்சா விழுச்சீர் இரு முது மக்களைக்
கண்டு எழுதல் காலை இனிது
18: 3, 4
குறையாத மிக்க சிறப்பினை உடைய தாய் தந்தையரைக் காலையில்
கண்டு தொழுதல் இனிது.
நட்டார்ப் புறங்கூறான் வாழ்தல் நனி இனிதே
. 19: 1
நண்பரைப் பற்றிப் புறங்கூறாது வாழ்தல் மிகவும் நன்று.
மலர்தலை ஞாலத்து மன்னுயிர்க்கு எல்லாம்
தகுதியால் வாழ்தல் இனிது
20: 3, 4
அகன்ற இடத்தை உடைய
இவ்வுலகத்து வாழும் உயிர்கள் எல்லாம் உரிமைப்பட
வாழ்வது இனிது.
வருவாய் அறிந்து வழங்கல் இனிதே
22: 1
தமக்கு வருகின்ற வருவாய் அளவினை அறிந்து பிறர்க்கு ஈதல்
இனிதே.
வெல்வது வேண்டி வெகுளாதான் நோன்பு இனிதே
. 24: 1
வெற்றிபெற வேண்டின் எவரிடத்தும் சினம் கொள்ளா உறுதி மிக
இனிது.
நில்லாத காட்சி நிறையில் மனிதரைப்
புல்லா விடுதல் இனிது
25: 3, 4
தெளிவில்லாத அறிவினை உடையாரையும் நன்னடத்தை இல்லாதாரையும்
சேராது விலகி இருத்தல் இனிது.
எளியர் இவர் என்று இகழ்ந்து உரையாராகி
ஒளிபட வாழ்தல்
இனிது
29: 3, 4
ஏழை எளியவர்களை இகழ்ந்து பேசாது புகழ் உண்டாகும்படி வாழ்வது
இனிது.
அன்று அறிவார் யார் என்று அடைக்கலம் வெளவாத
நன்றியின் நன்கு இனியது இல்
30: 3, 4
ஒருவருக்கும் தெரியாது என்று கருதி, அடைக்கலமாகப் பெற்ற
பொருளைத் தனதாக்கிக் கொள்ள நினையாத நன்றியைப் போல இனியது ஒன்று இல்லை.
உற்ற பேராசை கருதி அறன் ஒரூஉம்
ஒற்கம் இலாமை இனிது
39: 3, 4
பேராசை கொண்டு அறவழியினின்று நீங்குதற்கு ஏதுவாகிய
மனத்தளர்ச்சி இல்லாதிருத்தல் இனிது.
பற்பல நாளும் பழுதின்றிப் பாங்குடைய
கற்றலில் காழ் இனியது இல்.
40: 3, 4
பற்பல நாளும் வீணே கழியாது பயனுள்ள நூல்களைக் கற்பதைப்போல்
இனிமை உடைய செயல் வேறு எதுவும் இல்லை.
முற்றும்
கருத்துகள் இல்லை:
கருத்துரையிடுக